• Yop Poll Archive
  • Archives
  • Categories
  • Archive for urria, 2008

    Treneko pailazoa.


    2008 - 10.10

    Aspaldi trenik hartu gabe eta gaurkoan aspaldiko ohitura berreskuratu dut… Trena hartu dut trenaren triki-trakak barrena baretuko zidalakoan eta hein batean lortu du egia esateko…

    Baina ez dut uste trenarrengatik bakarrik izan denik…

    Trenean sartu eta segituan bi ume ikusi ditut lehiotik nire atzean zegoen gizon bati zerbait eskatzen, ez nekien zer zen. Gizonari begiratu eta zerbait arraroa nabaritu diot, ohikotasunetik at zegoen zerbait… Zutik zegoen, nire bizkarrari bizkarra emanez eta bizkarzorro koloretsua zeraman.

    Trena abian jarri denean, giratu eta nire aurrean zegoen neska batengana joan da. Orduan ikusi ahal izan dut bere egunerokotasunaren falta… Pailazo sudur gorria zeraman eta pajarita bat (kolorea falta zitzaion, atzean utzi ditudan egunen antzera…) zuen okozpean.

    Badirudi magikotasunak edo umoreak bizirik dirauela gogorarazi nahi zidala. Neskarekin amaitu ondoren, gizon gazte batengana joan da, harekin aise amaitu du; gero beste neska gazte batengana joan da, baina harekin ez du hizketa askorik egin. Haien ostean nigana itzuli da, ez nuen uste etorriko zenik bere bidetik kanpo nengoela uste bainuen; baina etorri eta aldamenean jarri zait. Hizketan hasi zaidanean tunelean sartu eta ezin izan diot ezer ere entzun… tunela pasatakoan segitu du nirekin hizketan…

    Pegatinak saltzea nahi zuen borondatearen truke. Irribarrea irten zait berarekin hizketan nengoela “Me gusta esa sonrisa” esan dit gaizki nengoela jakingo balu bezala… Pegatina bat erosi eta beste bi eman dizkit.

    Hasieran, diru gehiegi eman diodala iruditu zait, baina trukean garestiago den zerbait eman didala uste dut…


    Tresna-barrara saltatu