• Yop Poll Archive
  • Archives
  • Categories
  • Archive for abendua, 2011

    2011ri agur.


    2011 - 12.30

    Hamaika gau eta egun,

    hamaika hizketaldi eta isilune,

    hamaika laztan eta begirada,

    hamaika irri eta negar.

    Hamaika ilargi eta eguzki,

    hamaika itsaso eta mendi,

    hamaika ekaitz eta barealdi.

    Hamaika sendagai eta dolore,

    hamaika hodei eta lore.

    Zuretzat hamaika muxu,

    baita hamaika koloredun agur bero bat ere.

    Agurrak.


    2011 - 12.21

    Agur, adio, aio, adeu, adios, adieu, bye

    Samurrak eta gozoak batzuetan;

    gordinak eta gogorrak besteetan.

    Baina guztiek uzten dute zuloa sabelean,

    gogoan eta bihotzean.


    Tristura barne-barnean iltzatzen da.

    Oroitzapenak etortzen dira.

    Malkoak masailetan behera,

    mendietan barrena doazen erreken antzera.

    Tristura uxatzea oso zaila izaten da.


    Oroitzapen onak gorde eta gogoratu behar omen dira.

    Horren erraza balitz,

    mundua beste modu batekoa litzateke.

    Berriz bueltatzen gara

    “inork ez du esan erraza izango denik”esapidera

    eta bizitzako zuloz beteriko errepidera.

    bye

    Miren Agur Meabe, Zazpi orduak.


    2011 - 12.10

    (…)miren agur meabe


    Kapaz ote zara zure baitarako aipatzeko…

    – Zazpi toki eder?

    – Zazpi lagun benetako?

    – Zazpi une maitasunezko?

    – Zazpi egia baliotsu?

    – Zazpi aholku on?

    – Zazpi mesede, zuk inori egindakoak?

    – Zazpi mesede, inork zuri egindakoak?

    Horiei erantzuteko moduan bazaude, nago zure zazpi orduak asetzeko altxor nahikoa batu duzula dagoeneko.



    Erlojuari begira.


    2011 - 12.06

    Badirudi erlojuak jai hartu duela edo nagi dabilela.

    Erdi lo.

    Lan egiteko gogorik gabe.

    Tik…

    tak…

    tik…

    tak…

    entzuten da.

    Inoiz baino motelago.

    Tik…

    tak…

    tik…

    tak…


    Zain egotea besterik ez da gelditzen.

    Tik…

    tak…

    tik…

    tak…


    Tresna-barrara saltatu