• Yop Poll Archive
  • Archives
  • Categories
  • Posts Tagged ‘maite’

    2012-01-18, balizko ezkontzarako hitzalditxoa


    2012 - 01.18

    Kaixo guztioi,

    Gaurkoa egun berezia dugu oso; Aintzane eta Julen ezkontzen zaizkigu. Zorionak bioi! Urteak dira jada elkar ezagutzen dugula, eta mila abentura eta komeria bizi izan ditugu elkarrekin. Zenbat oroitzapen! Txiki-txikiak ginenetik elkarrekin, zenbat negar eta zenbat barre elkarrekin! Baina gaur emozioaren emozioaz negar egitea tokatzen zaigu. Egun garrantzitsua eta polita da zuentzat, eta baita ingurukoontzat ere. Ospatu besterik ezin dugu egin. Ospatu, zorionak hitza behin eta berriz esanez. Horixe opa dizuet: zori ona. Zorte ona. Elkarrekin zoriontsu izan zaitezte¬la; orain artean beste, edo gehiego, ahal baldin bada. Eta elkar maite dezazuela, indar eta gogo biziz, onean eta txarrean, barreetan eta negarretan.
    Zori ona opa dizuet, bai; baina eskerrik asko ere esan nahi dizuet, eta bide batez, gure adiskidetasunaren laburpentxoa egin. Izan ere, zenbat urte genituen elkarrekin jolasean hasi ginenean? Sei inguru, oker ez banago. Zenbat momentu on zuekin eta zuei esker! Elkarrekin jolastu, haserretu, eta hazi gara; elkarri lagundu diogu, eta elkar maitatu gara. Jakingo bazenute zenbat lagundu didazuen momentu txarretan! Askotan, momentu gogorrak bizi ditugunean, gure burbuilan sartzen gara, eta munduko izakirik zorigaiztokoenak sentitzen gara; eta, azkenerako, zorigaiztoko bihurtzen gara. Baina inguruan ditugun erletxoei esker aurrera egiteko indarra lortzen dugu.
    Zenbat laguntzen duten ingurukoek! Lagunek batez ere. Esaten da lagunak direla guk hautatutako familia. Gure kasuan, halaxe dela ziurta dezaket. Lagunak gara, baina neba-arreben arteko harremana egon dela esan daiteke. Neba-arreba baino gehiago izan gara, eta horrela segitzea espero dut. Zuek izan zarete nire erletxo eta familia. Mila esker ditut zuei emateko, mila arrazoirengatik. Mila? Mila gutxi dira. Eskerrik asko, beraz.
    Puntu honetara heldurik, ez dakit nola bukatu; hortaz, aurrekoa laburbilduz, hauxe esaten dizuet: eskerrik asko, zorionak, eta nire maitasun eta desiorik onenak zuen bizimodu berrirako. Izan zoriontsu, bikote!

    Vikingoen sorterrira, Xabier Mendiguren Elizegi, hautatua


    2012 - 01.16

    Xabier Mendiguren

    (…)

    Ilun-orduak zetozenean H.rengana joaten zitzaidan gogoa, eta zeru lainotuan argi-izpi bat sumatzea bezala izaten zen niretzat, konparazioa onartzen badidazu. Erreakzio automatikoa zen, ihesbide askatzailea: egunean eguneko une txarra tokatzen zenean, H.aren aldarte baikorra gogoratu, eta bitamina batek edo tila-urak egingo zukeen lana egiten zidan hark nire barren ahulduan. Alabaina, ez zen nahikoa.¬† (…)

    Ez nengoen lasai, hala ere. Banekien zer esan nahi nion. Banekien esan egin nahi niola ere. Baina ez nekien nola. (…) Nik bera maite nuen; eta berak ni? Hori falta zitzaidan jakiteko.

    Horrelako hitzez esan beharrik ez dagoela entzun izan dut behin baino gehiagotan, igarri egiten direla. Hala ote? Igarri ote zidan H.k zer esan nahi nion, zer sentitzen nuen? Batetik, ukaezina zen begikotasun-seinaleak igortzen nizkiola, baina, bestetik, ni emakume serioa nintzen, ezkondua, lanean arduratsua… beharbada ez zuen imajinatuko nire adierazpen txeratsu haiek sinpatiatik harago zihoazela. Era berean, nola interpretatu behar nituen nik H.ren keinuak? Jatorra zen nirekin, atsegina, adeitsua… beste zerbait ezkutatzen ote zuen jokabide horren atzean? Ala nire gogo sukartsuaren iruzurra zen halakorik imajinatzea? Ez nekien eta ez neukan jakiteko modurik, ahoz esanda ez bazen.

    (…)

    Oso gogorra izan zen. Ni ez zapuzteko jokatuko zuen horrela: erreakzio diplomatikoa, ez entzunarena egitea autodefentsa-maniobra gisa. Baina ni nahiko jota gelditu nintzen.

    (…)

    Berandu arte egon ginen han, oheko jolasak eta oheko solasak tartekatuz (…)

    Mila galdera eta erantzun bakarra.


    2011 - 10.08

    Nork errespetatzen nau?

    Nork ematen dit behar dudan espazioa?

    Nork estutzen nau behar dudanean?

    Nork maite nau egun txarrak ditudanetan?

    Nork entzuten ditu nire penak?

    Nork lehortzen dizkit malkoak?

    Nork sortzen dit irribarrea?

    Nork betetzen nau pozez goiz, arratsalde, zein gau izan?

    Nork ateratzen du nire onena?

    Nork maite nau naizen bezalako?

    Nork muxukatzen eta laztantzen nau goxo-goxo?

    Nork ematen dit behar dudana?

    Nork sentiarazten nau munduko ederrena?

    Nork sentiarazten nau ipuineko printzesa?

    Nork maite nau ilargiraino eta buelta?

    Zugatik edozer emango nuke

    zu baitzara dudan altxorrik preziatuena.

    Eta beste behin, ez bainaiz aspertzen izugarri maite zaitudala esaten.



    Zitalduta


    2010 - 09.11

    Batzuetan zitalduta egoten gara egunak hala eskatzen digulako-edo. Munduarekin hasarre gaude, gure buruarekin ere bai. Ez da izaten inguruko inoren errua, jaiotzez egun batzuk horrela igarotzera programatuta bageunde bezala izaten baita. Baina, hala ere, gehien maite dugunei egiten diegu zaunka egun horietan. Amorrua beraiengan hustuz, zer nolako mina egin diezaiekegun kontuan izan gabe. Zer nolako ondorioak ekar ditzekeen pentsatu gabe… Horren ostean damua dator. Noski, ekintza gauzatu eta gero. Braust, pentsatu gabe gauzak esan eta gero. Barkamena eskatzea da ondorengoa. Batzuetan lortzen da, beste batzuetan ez. Lortzen denean pisu bat kentzen da gainetik. Hala ere, ez da guztiz joaten. Izan ere, maite duzun pertsona bati min egitea ez da berehala ahazten, ezta barkamena lortu ondoren ere.


    haserre

    Zital-egunak ez dira samurrak izaten, ez zitalduta dagoenarentzat ez zitalkeriak jasaten dituenarentzat. Horregatik guztiagatik, 100 kilogramotik 75 kentzearren-edo, barkatu.


    Tresna-barrara saltatu